Не можеме да ја опишеме љубовта кон неа. Не можеме да го опишеме нејзиниот труд кој го вложи во нас со толку внимание и љубов. Морам да признаам, пред неа ние не знаевме за искрена љубов, искрено другарување и дружење на секој можен начин. А сега сме едно големо семејство. Знаете зошто? Затоа што таа го направи со нејзиното цело срце и не се штедеше со цела можна сила... Не можеме да ја замениме. Во ова семејство таа ни е и татко и мајка. Благица, те сакаме!

Проект Среќа,проект кој успева секое натажено лице да го насмее,да го усреќи. Епа вака моето име е Сара. Со дружината на Проект Среќа: Благица, Кристина,Дејан и другите се запознав на нивната конференција т.е. настан кој беше организиран за сите нас –децата. Тука ја запознав и мојата ѕвездичка Благица која иако никогаш порано не немаше видено толку многу ни се израдува што не виде и не изгушка како да нѐ знае со векови.Потоа на сцена излезе и Кристина,мојата муза која одржа толку убав и значаен говор за мене на кој што неможев да се воздржам и заплакав,плачев но не од тага туку од среќа бидејќи постојат луѓе како нив.Продолживме така да се дружиме се до Новата Година и Божиќните празници кога се наоѓавме во многу тешка финансиска состојба и немавме за леб, а не пак за подароци и прослави,но за среќа тие беа тука и успеаа да ми го направат дочекот на 2019 најнезаборавен и најубав до сега во мојот живот.Воедно се договоривме со Благица да се видиме и кога се видовме ептен се гушкавме хах,потоа мојата ѕвездичка ми наполни еден тон подароци алишта и што ти уште не за да однесам дома и да ги израдувам моите.Така и се случи со торбата од Дедоо Мраз исполнета и пресреќна им ја ја пренесов магијата што ми ја пружија и на моите дома.Толку радост среќа солзи и песни, навистина незаборавен ден за мојот живот.Никогаш ама никогаш нема да го заборавам тоа. Ах ама да беше само тоа...ние продолживме да си се дружиме ама еве сега сепак дојде време и за мојата матура,и што да правам ни фустан ни чевли,ништо.Ноо сепак тие едни и единствени,незаменливи и непокорни пак ми излегоа во пресрет и еве сега уште малку и јас сум подготвена.Повторно нема да заостанам од другите и ќе успеам да се издигнам благодарејќи само на нив. Незнам со кои зборови да ви ја пренесам магијата кои тие ми ја пружаат,убавината и спокојството кога си во нивна близина,но само едно нешто ке кажам: Јас проектот Среќа ќе го помнам до крајот на мојот живот.И се надевам дека еден ден ке успеам и јас да станам дел од нивниот тим и заедно ке ги усреќуваме сите деца. Искрено и длабоко од моето срце ви се заблагодарам Проект Среќа и ви благодарам за тоа што потешкиот период од мојот живот го направивте некако најубав и незаборавен.И запомнете во секое лошо има и по нешто добро.А доброто што ми се случи мене е токму ПРОЕКТ СРЕЌА Ви благодарам уште еднаш и ве сакам многуу.

ПРОЕКТ СРЕЌА се едни и единствени. Кога сме тажни, не прават посреќни. Невозможното- ни го прават возможно!!! ЕДНО МОЕ ИСУСТВО: Кога мајка ми беше на лекување во Турција, јас требаѓе да го славам мојот 13 роденден... и прекрасниот тим на Проект Среќа ми овозможија да не ја чувствувам мајчинската празнина и ми овозможија незаборавен роденден!!! Ве сакам!